16 nov. 2016

NOVO PROXECTO CON AXUDA DO CONCELLO DE LUGO

 
Mellora da soberanía alimentaria e xestión dos recursos naturais mediante a implementación de boas prácticas na microcunca do río Laure, Honduras."

Estes días estaremos en plena actividade coa fin de execución deste proxecto. Estamos moi contentas porque o Concello de Lugo acaba de aprobar unha axuda para o proxecto de 15.000 euros.
A continuación, un resumo do mesmo, esperamos vos guste:

BENEFICIARIAS: 55 familias de 4 comunidades do municipio de San Lorenzo: El Matearal, Agua Zarca, El Cenicero e La Cuesta. Estas familias están organizadas nas Empresas de Servicios Multiples “Fe e Esperanza”, “Tres de Maio”, “Cooperativa Campesiña Agua Zarca Limitada” e “Nueva Superación”, e o Consello de Microcunca do Río Laure.

ACCIÓNS:
Instalación de sistemas de rego. Se instalarán 11 sistemas de microrego por goteo, que implican materiais e accesorios como: mangueira de 16 mm de polietileno, mangueiras de polietileno, goteros 25mm, reguladores, válvulas, Grummet, tapones, etc. Os sistemas de rego terán unha dimensión de 100 M2. A actividade inclúe tamén eventos de capacitación para garantir un uso apropiado da tecnoloxía e sostenibilidade.
Construción de microtuneis. Para reducir a incidencia de plagas e enfemidades nos cultivos, construiranse microtuneles con malla antiviral. Nesta actividade empregaranse os seguintes recursos; malla antiviral, tubos de pvc e de aluminio, cemento, plástico e arame de amarre. Serán as mesmas 11 familias que os sistemas de rego.
Módulos para a cría e manexo de aves. Para 15 familias. Para os módulos empregarase malla galvanizada, láminas de zinc, cravos de aceiro, bisagras e madeira.
Acondicionamento do banco de sementes e grans básicos. Esta acción se realizará con materiais de construción como: cemento, bloque de concretos, varilla de ferro, arame de amarre, láminas de aluzin e madeira. Tamén se disporá de silos metálicos cunha capacidade de almacenamento de 18 quintais.
Accións de protección na microcunca. Serán precisos para esta actividade malla ciclón, cemento, bloque, tubos galvanizado, madeira e ferramentas (rastrillos, machetes, etc) para sinalizar os sitios de protección e construír muros de protección nas zonas produtoras de auga. Esta acción coordinarase directamente co Comité de microcunca do río Laure, instancia conformada por representantes de organizacións comunitarias representativas da microcunca e vinculadas á xestión dos recursos naturais, con participación tamén da administración pública. Será o momento de reactivalo, aproveitando para acometer a actualización de documentos do Comité co asesoramento de CODDEFFAGOLF.
 
ORZAMENTO: 17.950 euros, dos que 15.000 son SUBVENCIÓN do CONCELLO DE LUGO.