27 may 2015

VISITA Á MISIÓN BIOLÓXICA DO GRUPO AGRO


Dentro do marco do proxecto europeo Fortalecimiento de la organización, alianzas y la producción agropecuaria de grupos campesinos para mejorar la seguridad alimentaria (SA) en los municipios de Nacaome y San Lorenzo, Honduras, o grupo Agro visitou este luns as instalacións do centro de investigación Misión Biolóxica de Galicia, pertencente ao CSIC.

Ainda que sempre é un pracer visitalo pazo no que se instala o centro, a escusa real desta visita foi a estancia durante o mes de maio de Roger, coordinador de proxectos da nosa coparte Hondureña, CODDEFFAGOLF. O grupo quixo coñecer de cerca a misión na Misión de Roger. A visita do técnico hondureño enmárcase dentro da actividade “Mejora genética de variedades”.
O grupo puido asistir aos primeiros ensaios de xerminación das sementes de millo criolla recén chegadas de Honduras. Estas sementes foron seleccionadas polos propios campesiños hondureños, baixo a supervisión de Ely, técnico de CODDEFFAGOLF formado no mesmo centro no ano 2013. Neste caso a estancia de Ely foi finanacida pola Xunta de Galicia no marco doutro proxecto complementario de ESF.
Roger está participando durante este mes na avaliación do material xenético seleccionado. Entre outros factores a avaliar, está a resistencia das sementes á sequía. Lorena, fisióloga contratada polo Centro para este traballo, explicounos esta metodoloxía e Pedro Revilla, director do Centro, fíxonos unha visita guiada polas instalacións do Centro. Agradecerlles o seu tempo e o seu interese polo traballo de ESF.

A visita terminou cunha pequena xuntanza do grupo con Roger no emblemático arboreto do Pazo. Aproveitamos para que nos contase as súas impresións do noso país e para planificar as súas últimas actividades co grupo Agro: visita á sede da Coruña, entrevista coa Coordinadora galega de ONG, entrevista co CETMAR,...

O fin da reunión descubrimos que Álvaro, voluntario veterano de ESF, é un apasionado e gran coñecedor do patrimonio arquitectónico galego. Foi fácil convencelo para que nos organizarse unha visita guiada para a próxima reunión bimensual do grupo Agro... 




Café coloquio no medio da visita
A capilla do Pazo
Singular hórreo situado na finca 
Explicación da distribución da finca dende a sombra do hórreo
Conversando e aprendendo
Biblioteca do centro con exemplares centenarios do propio pazo

Cultivo de pragas de brásicas para ensaios 

Uso de rapiñas para espantar aos come-millos




























22 may 2015

Proxecto de Fondo Galego (Abril 2015)

Proxecto: Fortalecemento das capacidades locais para mellorar o acceso ao dereito a auga potable e saneamento a través da xestión integrada do recurso hídrico, nos 7 municipios da mancomunidade NASMAR, Honduras 

Socio local: Mancomunidade NASMAR

Financiado por: Fondo Galego de Cooperación e Solidariedade 


Este proxecto enmárcase nun programa deseñado por ESF Galicia, a Mancomunidade NASMAR (Mancomunidade dos municipios costeiros do Golfo de Fonseca) e AHJASA (Asociacion Hondureña de Juntas de Agua), do que xa foi executada a primeira fase durante o ano 2014, coa financiación de Cooperación Galega da Xunta de Galicia.


Durante o mes de abril levouse a cabo a primeira parte da capacitación en hábitos hixiénicos e sanitarios relacionados con auga e saneamento baixo a metodoloxía ESCASAL (“Escola e Casa Saudable”). A esta capacitación acudiron dúas persoas por municipalidade, así como persoal técnico da Mancomunidade de NASMAR e de AHJASA (esta última é socia de ESF noutros proxectos complementarios). A capacitación foi impartida por persoal técnico do Servicio Autónomo Nacional de Acueductos y Alcantarillados (SANAA), organismo gobernamental encargado do fortalecemento técnico de axentes locais con influencia na xestión dos recursos hídricos. Ata o de agora impartíronse tres xornadas, nas que se explicou a metodoloxía para as visitas ás familias, o uso de material didáctico e o contido da formación ás familias en hábitos hixiénicos e sanitarios relativos a auga e saneamento. Están previstas para o mes de maio sete xornadas máis de capacitación, incluídas xornadas prácticas en comunidades do municipio de El Triunfo.  


Así mesmo, xa se dispoñen dos primeiros resultados das análises de calidade de auga realizadas na comunidade de La Grecia. O persoal técnico do Instituto Hondureño de Ciencias de la Tierra de la UNAH comezará a valorar estes resultados e a planificar a segunda fase da toma de mostras.   





Outros enlaces vinculados ao proxecto:



  • Informe de Marzo
http://esfhonduras.blogspot.com/2015/04/continua-o-proxecto-de-fondo-galego.html
  • Enlace en el que se muestra cómo la Alcaldía de Marcovia plantea problemática del uso de agua por la agroindustria: